دربارەی ئەركەكانی ژنان، پێگەیان و كاریگەرییان لە بزووتنەوەی كوردستاندا

وتووێژ لەگەڵ سەرگوڵ میرزایی، ئەندامی دەستەی بەڕێوەبەری كۆمەڵەی ژنانی ڕۆژهەڵات و ئەوین مستەفا زادە، چالاكی بواری مافەكانی ژنان
سازدانی: لاوێن خەیری

پرسیار: دوای شۆڕشی ٥٧ و هاتنەسەركاری كۆماری ئیسلامی، ژنان دەوری گەوڕە و كاریگەریان بووە لە ڕووداوە سیاسییەكانی كوردستان و جێ پەنجەیان بە زۆرێك لەم ڕووداوانەوە دیاڕە. سەڕەتای پرسیاڕەكانم بەوە دەست پێدەكەم، لە سەردەمێكدا كە كۆمەڵگای كوردستان گیڕۆدەی بیرێكی كۆنەپەڕەستانە بە نسبەت ژنان بوو، كێ بوو ئەم تابۆیەی شكاند و ژنانی هێنایە ناو ڕیزی خەباتەوە بۆ بەدەستهێنانی مافە ڕەواكانیان؟
سەرگوڵ میرزایی: كوردستان بە هۆی هەڵكەوتەی جوگرافی و ناوچەیی و كۆلۆنیبوونی توووشی دواكەوتوویی و چەقبەستوویی بووە هەربۆیە هەرچەندە كۆمەڵگا داخراوتر و چەقبەستووتر بێت داخوازی بۆ ئازادی زەقتر و بەرچاوتڕە. بەم پێیە ژن و سیاسەت لە كوردستان دوو بنەمای گرێدراون بە تایبەتی كە ئەو كۆمەڵگایە خاوەن خەڵكانێكی وووشیار و حیزبی پێشڕۆ و پێشكەوتنخواز بێت، دیاڕە لێڕەدا ئاماژەی ئێمە بە كوردستانی ڕۆژهەڵاتەو بە هۆی بوونی حیزبێكی چەپ و یەكسانیخواز وەك كۆمەڵە كە ئەو كات (١٣٤٨هەتاوی) بەپێی شەرایەتی مەوجود و خواستی كۆمەڵگا و لە ژێر كاریگەرییبیر و هێزری نوخبەی كۆمەڵگای خۆی پێكهاتبوو و هەروەها دژی كۆنەپەڕەستی و دواكەوتوویی و نادادپەروەری وەستابوو، هەر زوو توانیی كۆمەڵێك فەرهەنگی نوێ و پێشكەوتووانە لەگەڵ خۆی بێنێتە مەیدانی سیاسەتەوە كە یەك لەوانە پشتگیری لە بزووتنەوەی ژنان و سازماندانیان بە شێوەیەكی جەماوەری لە ڕیزی خەباتی هەردوو مەیدانی سیاسی و نیزامیدا وەك هێزێكی كارا بوو. جێگای ئاماژەیە كە پێش كۆمەڵە حیزب بوونی هەبووە بەڵام ژنان لەو حیزبانەدا چالاكیان نەبووە لە ڕاستیدا ئەم تابۆ شكێنیە لەلایەن كۆمەڵەوە بوو كە دەرفەت و دەرگای بۆ ژنان كردەوە تاكوو ژنان بە ئازادی و باوەڕبەخۆبوون لە ژینگەیەكی سیاسیدا بتوانن چالاكی بكەن و وەك حیزبێكی مۆدێڕن و خاوەن هەڵوێست زەربەیەكی كووشەندەی لە بیری دواكەوتوویی و كۆنەپەڕەستانە وەشاند و ئەمە بەرهەمی وەڵامی (نا) بە تاریكپەڕەستان بوو كە ژنان و كۆمەڵە لەو سەردەمەدا هەڵیانبژاردبوو.

پرسیار: لە سەڕەتای هاتنەسەركاری كۆماری ئیسلامیەوە تا بە ئەمڕۆ گەشەی وووشیاریی سیاسی ژنان لە كۆمەڵگای كوردستان چۆن دەبینن؟
سەرگوڵ میرزایی: بەر لە هەر شتێك دەبێ دان بەوەدا بنێن كە لێكۆلینەوە و سەرچاوە زانستیەكان لە بواری بەشداریی سیاسیی ژنانی كورد لە كۆمەڵگای كوردەواریدا زۆر كەمن و هەژارترین لاپەڕەكانی مێژوو هی ژنانی كورد بەتایبەتی ژنی كوردی ڕۆژهەڵاتە. بەدڕێژایی هەزاران ساڵ ژنان وەك كویلە بووە و بە بێ كەسایەتی ژیانیان بەسەر بردووە و لەم نێوانەدا ژنی كوردیش بەشێك بوون لەو ژنانە، كە بەخۆشیەوە ژنانی كورد بە وووشیاری و ئاگاداری و كەڵك وەرگرتن لە مێژوو و سوودبردن لە ئەزموونی خەباتی ژنانی جیهان لە هەموو بواڕەكاندا بەتایبەت بواری سیاسی دەمێكە وەخۆ كەوتوون و دەستیان داوەتە تێكۆشان لەم بواڕەدا، وریایی و گەشەی وووشیاری ژنان لە كوردستان دەگەڕێتەوە بۆ پێش هاتنە سەركاری كۆماری ئیسلامی. هەرچەندە كۆماری ئیسلامی هەر لە سەڕەتای هاتنە سەركاری خۆیەوە هەوڵیدا دەرگاكان لە ژنان دابخات و بە شێوەیەكی سیستماتیك و بەكارهێنانی شەریعەتی ئیسلام وەك ئامڕازێك، ژنانی لە ژێر چارشێو و سەرپۆشی زۆڕەملێ شاردەوە و ژنانی بەڕەو پەستێوی ماڵەكان و پشت دەرگا داخراوەكان پاڵنا و دایكبوون و هاوسەرێكی باش و گوێڕایەلی كردە پێناسەی ژن كە ئەمە سەڕەتایەك بوو بۆ دووباڕە كویلەكردنی ژنان و بەربەست لە گەشەكردن و پەروەردەبوونیان، بەڵام لەم نێوانەدا ژنانی ئازادیخواز و مافخواز كە پێشتر سەریانهەڵدابوو و نەترسانە و بوێرانە و چالاكانە دەنگی مافخوازانەی خۆیان هەڵدەبڕی، وەك بەرهەمی شۆڕشی گەلانی ئێران كە ڕۆڵێكی بەرچاویان لەو شۆڕشەدا گێڕابوو وخۆیان بە خاوەن خەبات دەزانی بە نیشانەی ناڕازیبوون بەو حوكمڕانی و دەسەڵاتە ڕوویان كردە حیزبە سیاسی و دژبەڕەكانی ئەو ڕژیمە و بە شێوەیەكی سازماندراو و بە حزووری فیزیكی و پراكتیكی بڕیاریان لە سەر بەشداریان لە ڕەوتی سیاسی ڕەوای شۆڕشگێرانە داو و پێیانوابوو كە لە كۆمەڵگای دواكەوتوو و لە ژێر دەسەڵاتی حكوومەتێكی كۆنەپەڕەستدا پرسی ژن لە پرسێكی كۆمەڵایەتی و فەرهەنگیەوە دەبێتە پرسێكی سیاسی و لە بۆشایی نەبوونی یاسا كە پاڵپشتێكی بەهێزە لە هەمبەر پرسە ئینسانییەكاندا، ناعەدالەتی و نایەكسانی و نادادپەروەریەكان پەڕەدەسێنن و كەرامەتی ئینسانەكان دەڕواتە ژێر پرسیاڕەوە. ئەم تابۆ شكێنیە هەر زوو لە كۆمەڵگای كوردیدا جێكەوت و ژنان ڕۆژ لە دوای ڕۆژ بە ڕێژەیەكی زۆرتر پێوەست دەبن بە ڕەوتە سیاسیە كوردیەكان و بە توانایی و لێهاتوویی داواكاریە ڕەواكانی خۆیان لەو كاناڵەوە دەردەبڕن و بوون بە ئەلگوو و پاڵپشتێكی پتەو بۆ ژنانی دیكە، جێگای ئاماژەیە كە ژنانی كورد چ ئەوانەی كە لە ڕیزی خەباتی عەلەنیدان و چ ئەو ژنە تێكۆشەرانە كە لە نێوخۆدا بە چالاكی و نەسڕەوتن لە پێناو سەربەخۆیی ژنان و لە بەرچاوگرتنیان بەپێی توانایی و لێهاتوویان لە هەموو بواڕەكاندا بە تایبەتی بواری سیاسی و هەوڵ بۆ گرتنەدەستی دەسەڵات و حزووریان لە ناوەندی بڕیاردا تێدەكۆشن كە وەك نموونە دەتوانین ئاماژە بە هەڵبژاردنەكانی خولی دوازدەهەمی سەڕۆك كۆماریی ئێران بكەین كە بینیمان  ژنانی كورد خۆیان بۆ ئەو پۆستە دەپاڵاوت هەرچەند بە پێی یاسای كۆماری ئیسلامی ژنان بۆ ئەو پۆستە نابن بەڵام ژنانی كورد گوێبیستی ئەو بەربەست و لەمپەڕە نەبوون و ئەم نافەرمانیە سەلمێنەری تێگەیشتن و ئاستێكی بەرزە لە وووشیاریی سیاسی ژنان لە كۆمەڵگەی كوردیدا.

پرسیار: دەسەڵاتی سیاسی لە ئێران تا چ ئاستێك توانیویەتی لەمپەر لە بەردەم چالاكی و هەڵسووڕانی ژنان درووست بكات؟ گووشاری ڕژیم بۆ سەر ژنان چ كاریگەرییەكی لەسەر بزووتنەوەی ژنانی كوردستان داناوە؟
سەرگوڵ میرزایی: دەسەڵاتی سیاسیی ئێران بە هۆی پێكهاتەی پیاوسالارانە و نەبوونی سیستمی پەروەردەیی تەندڕووست لە ئێران خۆی لە خۆیدا گەوڕەترین بەربەست و لەمپەرن بۆ چالاكانی ژنان كە ڕێگەیان پێ نادرێت لە دەسەڵات نزیك ببنەوە و وەك بڕیاردەرێك جێبەجێكاری داواكاری و پڕۆژەكانیان بن و ئەگەریش بیانهەوێ جاروبارێك بەدەم داواكاریی چالاكانی ژنان و هەڵسووڕانی ئەو بواڕەوە بێن بەپێی چوارچێوەی یاسای لە پێش داڕێژراوی ئیسلامیی ئێرانیەوە هەنگاو هەڵدەگرن كە لە بنەڕەتدا دژ بە ژنانە و لە ڕاستیدا داڕێژەرانی یاسای ئەو دەسەڵاتە و بنەمای حاكمیەتی كۆماری ئیسلامی گەوڕەترین لەمپەرن لە بەردەم چالاكان و هەڵسووڕاوانی ژناندا. دەتوانین بڵێین كە گووشاڕەكانی ڕژیم بۆ سەر بزووتنەوەی ژنان كاریگەریەكی دوو جەمسەریی هەیە، لە لایەكەوە بەربەستی زۆرتر جۆرێك بزوێنەڕە بۆ ژنانی چالاك واتە ئەوپەڕی هەوڵی خۆیان دەدەن تاكوو بەسەر بەربەستەكاندا زاڵ ببن و هەندێكجار دەبێتە هۆی ڕادیكالیزەبوونی بزووتنەوەكە، بەڵام تێچووی ئەم شێوازە بۆ ژنان زۆر دەبێت و لە لایەكی دیكەوە ئاستەنگی زۆرتر دەبێتە هۆی ئەوەی كە ڕێژەی بەشداریی ژنان كەمتر بێت و ژنان وەكوو جەماوەر دیار نەبن و وا هەست بكرێت چالاكی ژن لە گۆڕەپاندا كەمە و ژنان زۆرینەیان بە بارودۆخی ئێستا ڕازین.

پرسیار: دۆخی ئێستای بزووتنەوەی ژنانی كوردستانی ڕۆژهەڵات چۆن هەڵدەسەنگێنن؟
ئەوین مستەفا زادە: خەباتی ژنی كورد لە چوارچێوەی دەسەڵاتی ئێران لە بارودۆخێكی دژواڕە و پڕاوپڕە لە نابەرابەری، بە دەیان ئاستەنگ لە بەردەم ئەم بزووتنەدایە و بە هۆی كورد بوونی ژنانی كورد تا ئەمڕۆش ڕوانگەیەكی "سیاسی و ئەمنیەتی" بەرامبەر بە بچووكترین هەڵویست و كردووەی ژنانی كورد هەیە. 
هەروەها ئەو سیاسەتە دژە ژنەی دەسەڵاتی ئێران بە گشتی بۆ ژنانی ئێران و بە تایبەتی بۆ ژنی كورد بەرنامەڕێژی بۆ كردووە و كاری پێ دەكات، گەوڕەترین ئاستەنگی بەردەم ژنانە. هەر لە سیاسەتی بە دواكەوتوویی كردن و مانەوەی كوردستان تا پەراوێز خستنی ناوچە كوردستانیەكان لە ڕووی پێشكەوتنە ئابووری و كۆمەڵایەتییەكان و بە گشتی هەڵاواردنە نەتەوەیی، ئیتنیكی، ئایینی و ئاسمیلەكردن و تەنانەت چەندین داخوازیی سەڕەتایی ئینسانیش وەكوو خوێندن بە زمانی زگماكی كە تێیدا  ژنان بوونەتە قوربانیی سەڕەكی بە ڕادەیەك كە ئەمڕۆ  وزە و هەوڵی زۆربەی خەڵكی كورد لە ئێران و ژنان بە تایبەتی تەرخان كراوە بۆ دابینكردنی پێداویستیە سەڕەتاییەكانی ژیان و ڕووبەڕوو بوونەوەیان لەگەڵ دەیان كێشەی ئابووری و كۆمەڵایەتی كە هەموو ئەمانە سیاسەتێكی داڕێژراو و پێكەوە گرێدراوی دەسەڵاتی زاڵی ئێران و كوردستانە‌ بۆ ڕووبەڕبوونووەی هەر جووڵانووەیەكی ئازدیخوازانە. كەواتە، لە وڵاتێكدا كە تەنانەت هەناسە هەڵكێشانیش جۆرێك خەبات بۆ زیندوو مانەوەیە و سیستمی دەسەڵات بەرهەمهێنەری سەدان كێشە بنەچینەیی بێت و هەموو شتێك ڕەنگی مەرگی گرتبێ، كەوابوو هەر چەشنە بزاوتێك لەلایەن ژنانەوە كە دژایەتیی لەگەڵ دەسەڵاتی زاڵدا هەبیت، بە بەشێكی دانەبڕا لە بزووتنەوەی ژنان دادەندرێت. بۆیە، بزووتنەوەی ئێستای ژنان لە ئێران و كوردستان تەنیا بزووتنەوەیەكی ژنانە نییە، بەڵكوو بزووتنەویەكی تێكەڵاو و لێكهاڵاوە لەگەڵ بزووتنەوەی سەراسەری لە ئێران و كوردستان و هەر جۆڕە ملكەچ نەبوونێكی ژنان بۆ دەسەڵاتداریی ئێران تەنانەت ئەو ژنە ئەگەر ژنێك بێت و هیچ تێگەیشتنێكی فێمێنیستی نەبێت و ئەگەر ماڵدار و نەخوێندەوار بێت بە جۆرێك بەشداری ئەو بزووتنەوەیە و گڕەنگ ئەوەیە لە شوێنك "نا" بەو دەسەڵاتە بڵێت.

پرسیار: ئەو خاڵە هاوبەشانە چین كە خەباتی ژنانی كوردستانی ڕۆژهەڵات بە خەباتی باقیی بزووتنەوەكانی دیكە و لە سەرووی هەموویانەوە بزووتنەوەی شۆڕشگێڕانەی كوردستان گرێ دەدات؟
ئەوین مستەفا زادە: خەباتی ژنی كورد فڕە ڕەهەندە ئەمە دەبێت لە سیاسەت و گوتاری ژنی كوردیدا خۆی نیشان بدات، چونكە سەرچاوەی زوڵم و زۆرداری بۆ ژنی كورد لە ئێران گرێدراوە بە پرسەكانی وەك ئەتنیك، دۆخی سیاسی، باری ئابووری و جەندەر و هەڵاواردنی جنسیەكانە كە بەڕۆكی بەهەموو ژنان گرتووە. ژنی كورد دەبێت بزانێت لە چوارچێوەی نەتەوەی بندەست دایە لە ئێران و پرس و كێشەی و خەباتی پێوەستە بە خەباتی سەراسەری لە كوردستان و دەبێت كێشە نەتەوەیی و سیاسی و ئابوورییەكانی كۆمەڵگای كوردستان بە پرسی خۆی بزانێت و هەروەها بە سەرچاوە و ڕێگەخۆشكەر و یارمەتیدەر بۆ خەباتی ژنانی دابنێت. ئێمە دەبێت ئەوە بزانین هەموو ژنانی ئێران لە گرووپێكی یەكدەستی كۆمەڵایەتی نین و ژنانی كورد لە گرووپی كۆمەڵایەتی ژێردەستن  و خەباتەكەیان لە ژێر كاریگەریی ئەو نایەكسانی و زوڵمەیە كە بە هۆی كورد بوون بە سەریدا سەپێنراوە، كەواتە ژنی كورد نابێت لە خەباتیدا خۆی لە شۆناسی نەتەوەیی داماڵێ. جیاوازیی نێوان گرفت و كێشەكانی ژنانی نەتەوەی سەردەست و نەتەوەی بندەست پرسێكی نوێ نیە و بە تێروتەسەلی لەلایەن فێمێنستانی ڕۆژاوایەوە خراوەتە بەرباس و لێكۆڵینەوەوە. چالاكانی ناسراوی وەك "بێل ووكس" لە كتێبی "فێمێنیست تیۆری: لە پەراوێزەوە بۆ ناوەند" و هەروەرها "ووینی بریەنس" لە كتێبی "گرفتەكانی نێوانمان: مێژوویەكی ئاڵۆزی ژنانی سپی پێست و ڕەش پێست"بە وردی باسیان لە فاكتەرگەڵێكی جیاوازی وەك شوناسی ئەتنیكی، ڕەگەز، جندەر، ڕەنگی پێست و چین ژنان كردوە و پێداگریان لەسەر بایەخی ئەم فاكتەرانە كردووە لە پێكهێنانی شوناسی ژنانی نەتەوەی بندەست و چینی خوارەوەی كۆمەڵگادا.

پرسیار: هەر وەك ئاگادارن چەند مانگ لەمەوبەر شەپۆلێكی ناڕەزایەتی زۆرێك لە شاڕەكانی ئێرانی گرتەوە و دوابەدوای ئەویش شایەتی جووڵانەوەیەكی گەوڕەی كچانی شەقامی ئینقلابی تاران بووین. بە گشتی دەوری ژنان لەم ناڕەزایەتییانەدا چۆن دەبینن و لێكدانەوەتان لە سەر كچانی شەقامی ئینقلابی تاران چییە و ژنانی كوردستان دەبێ لەگەڵ ئەم جووڵانەوانە چۆن هەڵسووكەوت بكەن؟
ئەوین مستەفا زادە: ژنی كورد دەبێت خەباتی سەراسەری بە خەباتی خۆی دا‌بنێت و هەر مەسەلەیەك كە پێوەندیدارە بە پرسی ژن بوون  و كورد بوون بیكات بە مەسەلەی خۆی تەنانەت بچووكترین مەسەلەش كە تایبەت بێت بە پرسی ژن و كوردبوون پشت گوێ نەخات. چونكە لەم حاڵەتەیە دایە دەتوانێت دروووشمی خۆی هەبێت و سامانی كۆمەڵایەتی و مڕۆیی خۆی بەرهەم بنێت و لە دەرفەتەكاندا خۆی دەرخات و خاوەن بزووتنەوە‌ی دیاریكراو و ڕۆڵی خۆی بێت. 
بۆیە هەر ڕەوتێكی ناڕەزایەتی لە ئێران سەرهەڵدەدات دەبیت ژنی كورد كەڵكی لێ وەرگرێت بۆ ناساندنی خەباتیخۆی؛ بۆ بەشداری كردن لە گۆڕانكارییەكان بە بچووك و گەوڕەوە كە ئەمەش دەبێتە هۆی درووستكردنی باكگراوەاندێكی چالاكی، خۆ دینتنەوە و هاتنە ناو كایەكانی كۆمەڵگا و چەقی ڕووداو و گۆڕانكارییەكان، لە كۆتاییشدا ئەم باكگراوندە دەبێتە زەمینەیەك بۆ ژنی كورد كە لە كاتی ڕووداوێكدا بتوانێت هەڵوێست بنونێت و ڕۆڵ و كردەی تایبەت بە خۆی بەپێ سیاسەت و پێناسە هەبێت. بۆ نموونه،‌ جووڵانەی كچانی خیابانی ئینقلاب كە هەر لە كەمپینی "نە بە حجاب زۆرەملێ" و "چواشەممەی سەپی" و تا "جووڵانەوەی كچانی شەقامی ئینقلاب" بەردەوامیی هەبوو و چاوەڕوانیش دەكرێت لە كات و بارودۆخی دیكەدا جووڵەی تری بەداوە بێت. هەرچەندە بارودۆخ بۆ ژنانی ئێمە و ناوەند زۆر جیاوازە و ئەگەر ئەم حەرەكەتە بۆ ئەوان هەر وەك بزووتنەوەیەكی ژنان چاوی لێ بكرێت، بۆ ئێمە بە پرسێكی نەتەوەیی دادنرێت و بە دیدگای "ئەمنیەتی" لە لایەن دەسەڵاتی ئێرانەوە سەركوت دەكرێ. بۆیە، ئەگەر "حیجابی زۆرەملێ" بۆ ژنانی ناوەند كێشەیەكی سەرەكی بێت بۆ ئێمە یەكێكە لە كێشەكان، لەگەڵ ئەوەش ئێمە نابێت هیچ كام لە پرسەكانی پێوەند بە خۆمان دوا بخەین بۆ قوناغێكی تر هەموو پرسەكانی بە پرسی ڕۆژی خۆمان لە خەباتمان بزانین. دەبێت ئەوەش بڵێین ئەو حەرەكەتانە ئەگەر بە شێوەیەكی ڕاستەوخۆ كاریگەریی لەسەر ژنانی كورد نەبێت، كاریگەریی ناڕاستەخۆ بەجێ دەهێڵێت، بۆیە لەم كاتانەدا ژنی كورد دەبێت لە بچووكترین دڕەفەت بۆ ناساندنی خۆی و ڕەواییدان بە خەباتی بە شێوەی خۆی بۆ هەموو پرسەكانی كەڵك وەربگرێت. ئەمەش بێگومان بە هاتنەوە مەیدانی ژنان و بەرزكردنەوەی ئاستی ووشیارییان لە هەموو ئەو باسانەی كە خرانە ڕوو، دەكرێت. بۆنموونە لە خۆپیشاندانەكانی ئەم دوایانەی ئێران كە شاڕە كوردستانیەكانیشی گرتەوە، كۆمەڵیكی زۆری ژنانی كورد بەشداربوون و هەر لەم خۆپێشاندانەدا 8 ژن دەستبەسەر كران .

پرسیار: وەك دوایین پرسیار، ڕێكخراوەكانی ژنانی كوردستانی ڕۆژهەڵات، ناوەندی ژنانی كوردستانی ڕۆژهەڵاتیان دامەزراندووە؟ چالاكییەكانی ئەم ناوەندە تا ئێستا كاریگەریی هەبووە لە سەر دۆخی ژنان لە كوردستانی ڕۆژهەڵات؟ ئەو كارانەی كە ئەم ناوەندە دەبێ لە داهاتوودا بیكات چییە؟
ئەوین مستەفا زادە: پێم خۆشە لێرەدا ئەوە بڵێم كە هەموو ئەو بابەتانەی كە باس كرا  بە كار و بەشداریی بەردەوامی ژنان لە هەموو پرسەكان بەدی دێت، بە تایبەت لە ئێستادا كە بزووتنەوەی كۆمەڵایەتی لە شكڵ و قاڵبی جیا جیا لە ئێران خۆی دەبنێت و ژنانیش دەبێت لە ناو هەموواندا بەشدار بن. كەواتە، یەكێك لەسەڕەكیترینی ئەو كارانەی كە ئەو ناوەندە دەبێت بیكات لە سەڕەتا پێناسەكردنێكی شەفاف و ڕوونە بۆ خەباتی ژن كورد لە كوردستانی ئێران. هەروەها ئەم ناوەندە دەبێت بەرنامەیەكی پڕۆسسكراو بۆ كاری خۆی دابڕێژێت و ببێت بە كەناڵێكی دانەبڕوا بۆ ئێدەپێدان و بەردەوامیدان بە بزووتنەوەی ژنی كورد لە ئێران لە كات و بارودۆخهە جیاوازەكاندا. بۆیە دەبێت پێكهێنانی ناوەندی ژنانی ڕۆژهەڵات بە خاڵێكی گڕەنگ دابنێین بۆ پرسی ژنی كورد لە ڕۆژهەڵاتی كوردستان، ئەمەش لە كاتێكدا ئەگەر ڕۆڵی ئەم كاناڵە بگێڕێت و بەرنامەی كاری خۆی دابڕێژێت بە تایبەت لە ئێستادا كە زەمینەی بزووتنەوە كۆمەڵایەتییەكان لە ئێران و كوردستان لە باڕە. ئەگینا ناتوانێ گوتاری خۆی بباتە ناو ژنانی كورد و كۆمەڵانی خەڵك و ناتوانین چاوەڕێی كاریگەرییەكانی بین لە ناوخۆی ڕۆژهەڵات و ئەو كات تەنیا خاڵی ئەرێنیی كۆبوونەوەی ڕێكخراوەكانی ژنانی ڕۆژهەڵات لە یەك ناوەند دا دەبێت .
هەروەها پێویستە ئەوە بڵێم من تا ئێستا بەشداریم پێ نەكراوە لە كۆبوونووەكانی ئەو ناوەندە و ئاگاداریی وردەكارییەكانی كارو چالاكییەكانیان نیم.


PM:11:17:10/04/2018




ئه‌م بابه‌ته 277 جار خوێنراوه‌ته‌وه‌‌