چارەی ئەم قۆناعەی خەباتی گەلی کورد لە ڕۆژهەڵات، « ڕۆژهەڵات تەوەری »یە!

چارەی ئەم قۆناعەی خەباتی گەلی کورد لە ڕۆژهەڵات،
 « ڕۆژهەڵات تەوەری »یە!


ئەرسەلان‭ ‬ئیحسانی



کورد‭ ‬یەکێکە‭ ‬لەو‭ ‬نەتەوانەی‭ ‬کە‭ ‬بە‭ ‬هۆکاری‭ ‬جۆراوجۆر‭ ‬تا‭ ‬ئێستا‭ ‬نەیتوانیوە‭ ‬وڵاتێکی‭ ‬یەکپارچەی‭ ‬بۆ‭ ‬خۆی‭ ‬هەبێت‭ ‬و‭ ‬بتوانن‭ ‬لە‭ ‬یەک‭ ‬سنوور‭ ‬و‭ ‬لە‭ ‬ژێر‭ ‬یەک‭ ‬ئاڵادا‭ ‬کۆببێتەوە‭. ‬دەتوانین‭ ‬بڵێن‭ ‬یەکیک‭ ‬لە‭ ‬سەرەکیترین‭ ‬هۆکارەکانیشی‭ ‬بوونی‭ ‬دەستی‭ ‬دەرەکی‭ ‬وڵاتە‭ ‬زل‭ ‬هێزەکانە‭ ‬کە‭ ‬بە‭ ‬درێژایی‭ ‬مێژوو‭ ‬بەردەوام‭ ‬بە‭ ‬پاساو‭ ‬و‭ ‬بیانووی‭ ‬جیاواز‭ ‬لە‭ ‬بواری‭ ‬جوغرافیدا‭ ‬دابەشیان‭ ‬کردووە‭ ‬بەسەر‭ ‬وڵتانی‭ ‬ژێر‭ ‬دەستی‭ ‬خۆیاندا‭. ‬ئەگەرچی‭ ‬ئەو‭ ‬دابەشکارییە‭ ‬نەیتوانیوە‭ ‬هەست‭ ‬و‭ ‬سۆزی‭ ‬نیشتمان‭ ‬پەروەری‭ ‬و‭ ‬نەتەوە‭ ‬پەرەستی‭ ‬لەنێوان‭ ‬کوردەکاندا‭ ‬لاواز‭ ‬بکات‭ ‬و‭ ‬بە‭ ‬پێچەوانەوە‭ ‬بۆتە‭ ‬پاڵنەرێک‭ ‬بۆ‭ ‬ئەوەیکە‭ ‬زیاتر‭ ‬لە‭ ‬پێشتر‭ ‬گرنگی‭ ‬بە‭ ‬پرسی‭ ‬نیشتمان‭ ‬پەروەری‭ ‬و‭ ‬نەتەوە‭ ‬پەرەستی‭ ‬خۆیان‭ ‬بدەن‭. ‬بەڵام‭ ‬ئەوەی‭ ‬ڕوون‭ ‬و‭ ‬جێی‭ ‬سرنجە‭ ‬ئەوەیە‭ ‬کە‭ ‬ژێر‭ ‬دەستەیی‭ ‬و‭ ‬چەوساندنەوەی‭ ‬کورد‭ ‬لەلایەن‭ ‬نەیاران‭ ‬و‭ ‬وڵاتانی‭ ‬داگیرکەر‭  ‬بەربەستێکی‭ ‬حاشا‭ ‬هەڵنەگر‭ ‬بووە‭ ‬بۆ‭ ‬پێکەوەنانی‭  ‬وڵاتێک‭ ‬و‭ ‬نیشتمانێک‭ ‬بۆ‭ ‬ئەو‭ ‬نەتەوە‭ ‬زوڵم‭ ‬لێکراوە‭.‬

بە‭ ‬شیوازێکی‭ ‬بەرچاو‭ ‬دابەشکاری‭ ‬خاکی‭ ‬کورد‭ ‬بەسەر‭ ‬دوو‭ ‬قۆناغدا‭ ‬تێپەڕدەبێت،‭ ‬یەکەم‭ ‬لە‭ ‬ساڵەکانی‭ ‬‮١٥١٤‬ی‭ ‬زایینی‭ ‬لە‭ ‬ئاکامی‭ ‬شەڕی‭ ‬چاڵدراندا‭  ‬کە‭ ‬لەنێوان‭ ‬دوو‭ ‬ئیمپراتۆری‭ ‬ئێران‭ ‬بە‭ ‬ڕیبەری‭ ‬شائیسماعیلی‭ ‬سەفەوەی‭ ‬و‭ ‬عوسمانییەکان‭ ‬بە‭ ‬ڕێبەری‭ ‬سوڵتان‭ ‬سولەیمان‭ ‬ڕوودەدات‭ ‬بەشێک‭ ‬لە‭ ‬ئێران‭ ‬کە‭ ‬باکوری‭ ‬کوردستان‭ ‬لە‭ ‬خۆ‭ ‬دەگرێت‭ ‬دەکەوێتە‭ ‬ژێر‭ ‬دەسەڵاتداری‭ ‬تورکەکانی‭ ‬عوسمانی،‭ ‬دووهەم‭ ‬لە‭ ‬ساڵی‭ ‬‮١٩١٨‬ی‭ ‬زایینی‭ ‬و‭ ‬کۆتایی‭ ‬شەڕی‭ ‬جیهانی‭ ‬یەکەم‭ ‬کە‭ ‬فەڕانسە‭ ‬و‭ ‬بریتانیا‭ ‬دوو‭ ‬وڵاتی‭ ‬براوەی‭ ‬شەڕەکە‭ ‬بوون‭ ‬بە‭ ‬ڕاسپاردنی‭ ‬نوێنەرانی‭ ‬خۆیان‭ ‬بە‭ ‬ناوی‭ ‬ساکس‭ ‬لە‭ ‬بریتانیا‭ ‬و‭ ‬پیکۆ‭ ‬لە‭ ‬فەرانسەوە‭ ‬هاوپەیمانییەک‭ ‬واژۆ‭ ‬دەکەن‭ ‬کە‭ ‬تێیدا‭ ‬خاکی‭ ‬ئیمپراتۆری‭ ‬عوسمانی‭ ‬بەسەر‭ ‬خۆیاندا‭ ‬دابەش‭ ‬دەکەن‭  ‬و‭ ‬ئەوجارە‭ ‬لە‭ ‬جیاتی‭ ‬دوو‭ ‬پارچە،‭ ‬کوردەکان‭ ‬بە‭ ‬سەر‭ ‬چوار‭ ‬وڵاتی‭ ‬ئێران،‭ ‬تورکیە،‭ ‬عێراق‭ ‬و‭ ‬سوریەدا‭ ‬دابەش‭ ‬دەبن‭. ‬

هەر‭ ‬ئەو‭ ‬دابەشکارییە‭ ‬وادەکات‭ ‬جگە‭ ‬لە‭ ‬یەک‭ ‬دووربوونەوەی‭ ‬کوردەکان‭ ‬و‭ ‬دانانی‭ ‬سنور‭ ‬لە‭ ‬نێوانیاندا‭ ‬بە‭ ‬درێژایی‭ ‬ساڵیانێکی‭ ‬زۆر‭ ‬لە‭ ‬ژێردەسەڵاتی‭ ‬داگیرکەراندا،‭ ‬زۆربەی‭ ‬تایبەتمەندییە‭ ‬هاوبەشەکان‭ ‬گۆڕانکاریان‭ ‬بەسەردا‭ ‬بێت‭ ‬و‭ ‬بەرژەوەندیەکانیش‭ ‬سنووردارتر‭ ‬ببنەوە‭. ‬ئەگەرچی‭ ‬هەوڵدان‭ ‬و‭ ‬ئامانجی‭ ‬کوردستانی‭ ‬گەورە‭ ‬و‭ ‬یەکگرتوو‭ ‬لە‭ ‬ناو‭ ‬دڵی‭ ‬هەر‭ ‬تاکێکی‭ ‬کورد‭ ‬دا‭ ‬گەشە‭ ‬دەکات،‭ ‬بەڵام‭ ‬بارودۆخی‭ ‬سیاسی‭ ‬و‭ ‬کولتوری‭ ‬و‭ ‬پێگەی‭ ‬سیاسی‭ ‬و‭ ‬کۆمەڵایەتی‭ ‬زۆر‭ ‬شت‭ ‬دەگوڕێت‭ ‬و‭ ‬وادەکات‭ ‬هەر‭ ‬پارچەیەک‭ ‬ڕێگا‭ ‬و‭ ‬ستراتژیەکی‭ ‬بۆ‭ ‬گەیشتن‭ ‬بە‭ ‬ئامانجی‭ ‬گشتی‭ ‬بگرێتە‭ ‬بەر‭. ‬

بە‭ ‬تێپەڕ‭ ‬بوونی‭ ‬کات‭ ‬و‭ ‬گۆڕانکاریەکانی‭ ‬ناوچە‭ ‬و‭ ‬جیهان،‭ ‬هاوکێشەکان‭ ‬دەچێتە‭ ‬قۆناغێکی‭ ‬ترەوە،‭ ‬لە‭ ‬ناو‭ ‬هەر‭ ‬پارچەیەک‭ ‬بە‭ ‬پێێ‭ ‬ویست‭ ‬و‭ ‬پێگەی‭ ‬سیاسی‭ ‬و‭ ‬بەرژەوەندییەکان‭ ‬و‭ ‬لێکدانەوە‭ ‬سیاسی‭ ‬و‭ ‬لۆکاڵیەکان‭ ‬ئەحزابی‭ ‬جۆراوجۆر‭ ‬بە‭ ‬ئامانجی‭ ‬گرتنەدەستی‭ ‬دەسەڵات‭ ‬بۆ‭ ‬سازکردنی‭ ‬وڵاتێکی‭ ‬کوردی‭ ‬دێنە‭ ‬گۆڕەپانی‭ ‬سیاسییەوە‭ ‬و‭ ‬هەوڵ‭ ‬دەدەن‭ ‬پاڵپشتی‭ ‬خەڵک‭ ‬بەدەست‭ ‬بێن‭. ‬بەردەوام‭ ‬حیزبەکان‭ ‬بە‭ ‬چالاکی‭ ‬جۆراوجۆر‭ ‬هەوڵیان‭ ‬داوە‭ ‬کە‭ ‬لەژێر‭ ‬دەسەڵات‭ ‬و‭ ‬چەپۆکی‭ ‬داگیرکەران‭ ‬بێنە‭ ‬دەرێ‭ ‬و‭ ‬وڵاتی‭ ‬خۆیان‭ ‬بەرەو‭ ‬سەربەخۆیی‭ ‬بەرن‭ ‬و‭ ‬لەم‭ ‬ڕێگایەشدا‭ ‬هەوڵیان‭ ‬داوە‭ ‬پاڵپشتی‭ ‬پارچەکانی‭ ‬تریش‭ ‬بکەن‭ ‬و‭ ‬لە‭ ‬هەل‭ ‬و‭ ‬مەرجەکاندا‭ ‬و‭ ‬لە‭ ‬کاتی‭ ‬پێویست‭ ‬بە‭ ‬یارمەتی‭ ‬و‭ ‬پاڵپشتی‭ ‬مەعنەوی‭ ‬و‭ ‬مادی‭ ‬و‭ ‬بگرە‭ ‬هێزیش‭ ‬یارمەتی‭ ‬دەری‭ ‬یەکتر‭ ‬بن‭ ‬و‭ ‬هەر‭ ‬ئەو‭ ‬هاوکاریانە‭ ‬بۆتە‭ ‬هەوێنی‭ ‬سەرکەوتنەکان‭ ‬لە‭ ‬زۆر‭ ‬بواردا‭.‬

بەڵام‭ ‬ئەوەی‭ ‬جێی‭ ‬سەرنجە‭ ‬ئەوەیەکە‭ ‬تەنیا‭ ‬هێز‭ ‬و‭ ‬چالاکی‭ ‬و‭ ‬بوونی‭ ‬مێژوویەکی‭ ‬کۆنی‭ ‬سیاسی‭ ‬و‭ ‬خەبات،‭ ‬ناتوانێت‭ ‬ئەو‭ ‬گۆڕانکاریە‭ ‬چاوەڕوانکراوە‭ ‬بەدی‭ ‬بێنێت‭. ‬خوڵقانی‭ ‬ڕووداوێک‭ ‬بۆ‭ ‬ئەوەیکە‭ ‬بتواندرێت‭ ‬ئەو‭ ‬تایبەتمەندیانەی‭ ‬تر‭ ‬وەک‭ ‬مێژوو‭ ‬و‭ ‬ستراتژی‭ ‬و‭ ‬هتد‭... ‬تێیدا‭ ‬کاریگەر‭ ‬بێت،‭ ‬پێویستە‭ ‬بۆ‭ ‬بە‭ ‬ئامانج‭ ‬گەیاندنی‭ ‬هەر‭ ‬خەباتێک‭. ‬لە‭ ‬سێ‭ ‬پارچەی‭ ‬کوردستان‭ ‬کەم‭ ‬و‭ ‬زۆر‭ ‬ڕووداوەکان‭ ‬واها‭ ‬بوون‭ ‬کە‭ ‬هەلەکە‭ ‬بڕەخسێت‭ ‬بۆ‭ ‬ئەوەیکە‭ ‬بتواندرێت‭ ‬خەبات‭ ‬و‭ ‬چالاکییەکان‭ ‬بە‭ ‬ئاڕاستەیەکیتردا‭ ‬تێبپەڕیت‭ ‬و‭ ‬تا‭ ‬ڕادەیەکی‭ ‬زۆر‭ ‬بتوانن‭ ‬کاریگەریان‭ ‬لەسەر‭ ‬چارەنووسی‭ ‬خۆیان‭ ‬هەبێت‭ ‬وەک‭ ‬دەبیندرێت‭ ‬کە‭ ‬لە‭ ‬کوردستانی‭ ‬باشوور‭ ‬سیستمی‭ ‬فیدراڵی‭ ‬چەسپاوە‭ ‬و‭ ‬کوردەکانیش‭ ‬هەرێمێکیان‭ ‬بۆ‭ ‬خۆیان‭ ‬هەیە‭ ‬و‭ ‬خەبات‭ ‬لەو‭ ‬پارچەیە‭ ‬چۆتە‭ ‬قۆناغێکی‭ ‬ترەوە‭ ‬و‭ ‬نابێت‭ ‬ئەوەش‭ ‬لە‭ ‬بەرچاو‭ ‬نەگیرێت‭ ‬کە‭ ‬کاریگەری‭ ‬پارچەکانی‭ ‬تر‭ ‬لەو‭ ‬سەرکەوتنە‭ ‬تا‭ ‬چ‭ ‬ڕادەیەک‭ ‬بووە‭ ‬و‭  ‬تا‭ ‬چ‭ ‬ڕادەیەک‭ ‬هەوڵی‭ ‬خۆیان‭ ‬چڕ‭ ‬کردۆتەوە‭ ‬بۆ‭ ‬سەرکەوتنی‭ ‬خەبات‭ ‬لەو‭ ‬پارچەیەدا‭.‬

ئەوەی‭ ‬لێرەدا‭ ‬زیاتر‭ ‬جێی‭ ‬باسە‭ ‬و‭ ‬باشترە‭ ‬ڕوونتر‭ ‬ببێتەوە‭ ‬خەبات‭ ‬و‭ ‬چالاکی‭ ‬لە‭ ‬کوردستانی‭ ‬ڕۆژهەڵاتە‭ ‬کە‭ ‬بەداخەوە‭ ‬دوای‭ ‬گواستنەوەی‭ ‬بنکە‭ ‬و‭ ‬چالاکی‭ ‬و‭ ‬خەباتی‭ ‬ئەو‭ ‬پارچەیە‭ ‬بۆ‭ ‬دەرەوەی‭ ‬سنوورەکانی‭ ‬ئێران،‭ ‬پێدەنێتە‭ ‬قۆناغێکی‭ ‬زۆر‭ ‬دژوارەوە‭. ‬وەک‭ ‬ڕوونە‭ ‬و‭ ‬لە‭ ‬بەرچاوە‭ ‬لەو‭ ‬چاند‭ ‬ساڵەی‭ ‬ڕابردوودا‭ ‬پرسی‭ ‬کورد‭ ‬زیاتر‭ ‬لە‭ ‬جاران‭ ‬بۆتە‭ ‬پرسێکی‭ ‬جیهانی‭ ‬و‭ ‬نێودەوڵەتی‭ ‬و‭ ‬زیاتر‭ ‬لە‭ ‬جاران‭ ‬ناوی‭ ‬دەرکەوتووە،‭ ‬بەڵام‭ ‬بەداخەوە‭ ‬کوردستانی‭ ‬ڕۆژهەڵات‭ ‬لە‭ ‬هەڵسەنگاندن‭ ‬لە‭ ‬گەڵ‭ ‬پارچەکانی‭ ‬تردا‭ ‬زۆر‭ ‬ناوی‭ ‬بەدەرەوە‭ ‬نییەوە‭ ‬و‭ ‬کەمتر‭ ‬لە‭ ‬ناو‭ ‬شڕۆڤە‭ ‬و‭ ‬تۆژینەوە‭ ‬سیاسییەکان‭ ‬لە‭ ‬ئاستی‭ ‬جیهانی‭ ‬و‭ ‬نێودەوڵەتیدا‭ ‬ناوی‭ ‬بەدەرەوەیە،‭ ‬هەرچەند‭ ‬دڵخۆشکەرە‭ ‬کە‭ ‬کە‭ ‬بە‭ ‬گشتی‭ ‬کورد‭ ‬و‭ ‬بە‭ ‬تایبەت‭ ‬ڕووداوەکان‭ ‬لە‭ ‬کوردستانی‭ ‬باشوور،‭ ‬باکور‭ ‬و‭ ‬ڕۆژئاوا‭ ‬توانیویانە‭ ‬ناوی‭ ‬کورد‭ ‬تا‭ ‬ڕادەیەک‭ ‬بە‭ ‬جیهان‭ ‬بناسێنن،‭ ‬بەڵام‭ ‬بۆ‭ ‬ئێمە‭ ‬جێی‭ ‬سەرنجە‭ ‬بۆچی‭ ‬کوردستانی‭ ‬ڕۆژهەڵات‭ ‬نەیتوانیوە‭ ‬ئەو‭ ‬ئاستە‭ ‬لە‭ ‬سەرنجی‭ ‬دەرەکی‭ ‬بۆ‭ ‬خۆی‭ ‬ڕابکێشیت‭. ‬

ئەوەی‭ ‬دڵخۆشکەرە‭ ‬ئەوەیە‭ ‬کە‭ ‬لە‭ ‬ساڵی‭ ‬‮٢٠١٥‬ی‭ ‬زایینیدا‭ ‬لە‭ ‬کاتێکدا‭ ‬کە‭ ‬کۆمەڵەی‭ ‬شۆڕشگێر‭ ‬هەوڵی‭ ‬بەستنی‭ ‬کۆنفڕانسێکی‭ ‬دەدا‭ ‬بۆ‭ ‬باس‭ ‬لە‭ ‬سەر‭ ‬کوردستانی‭ ‬ڕۆژهەڵات‭ ‬،‭ ‬ڕێکخراوی‭ ‬unpo‭ ‬کە‭ ‬ڕێکخراوێ‭ ‬نەتەوە‭ ‬بێ‭ ‬دەوڵەتەکانە‭ ‬لە‭ ‬سازمانی‭ ‬نەتەوە‭ ‬یەکگرتووەکان،‭ ‬لە‭ ‬وڵاتی‭ ‬هۆلەند‭ ‬و‭ ‬لە‭ ‬یەکێک‭ ‬لە‭ ‬هۆڵەکانی‭ ‬پاڕڵمانی‭ ‬ئەو‭ ‬وڵاتە‭ ‬کۆنفراسێک‭ ‬لە‭ ‬ژێر‭ ‬ناوی‭ ‬دادپەروەری‭ ‬بۆ‭ ‬کوردستانی‭ ‬ڕۆژهەڵات‭ ‬ڕێکدەخات‭ ‬کە‭ ‬نوێنەری‭ ‬زۆربە‭ ‬هەرە‭ ‬زۆری‭ ‬حیزبە‭ ‬ڕۆژهەڵاتییەکان‭ ‬و‭ ‬کەسایەتییە‭ ‬سیاسییەکان‭ ‬و‭ ‬نوێنەری‭ ‬پارلمانی‭ ‬هۆلەند‭ ‬و‭ ‬و‭ ‬هەروەها‭ ‬کەسایەتی‭ ‬بە‭ ‬ناوبانگی‭ ‬هەر‭ ‬چوارپارچەی‭ ‬کوردستانی‭ ‬تێدا‭ ‬بەشدار‭ ‬دەبێت‭ ‬کە‭ ‬لەم‭ ‬کۆنفرانسەدا‭ ‬هاوڕێ‭ ‬عەبدوڵڵا‭ ‬موهتەدی‭ ‬سکرتێریی‭ ‬گشتی‭ ‬کۆمەڵەی‭ ‬شوڕشگێر‭ ‬لە‭ ‬سەر‭ ‬ئەو‭ ‬بابەتە‭ ‬دەدوێت‭ ‬و‭ ‬بابەتی‭ ‬ڕۆژهەڵات‭ ‬تەوەری‭ ‬کە‭ ‬پێشتریش‭ ‬باسی‭ ‬لێکرد‭ ‬بوو‭ ‬بە‭ ‬ڕوونی‭ ‬دەی‭ ‬وروژێنێت‭ ‬و‭ ‬لەسەری‭ ‬دەدوێت‭. ‬لە‭ ‬دوای‭ ‬ئەو‭ ‬لێدوانەدا‭ ‬لە‭ ‬زۆربەی‭ ‬کۆبوونەوەکاندا‭ ‬ڕۆژهەڵات‭ ‬تەوەری‭ ‬و‭ ‬پێویستی‭ ‬ئێستای‭ ‬ڕۆژهەڵات‭ ‬بەو‭ ‬بابەتە‭ ‬و‭ ‬گرنگێەکەی‭ ‬دەبێتە‭ ‬چەمکێکی‭ ‬سەرەکی‭ ‬کە‭ ‬دواتر‭ ‬کاریگەریە‭ ‬ئەرێنیەکانی‭ ‬زیاتر‭ ‬دەردەکەوێت‭. ‬

ڕۆژهەڵات‭ ‬تەوەری‭ ‬باس‭ ‬لەوەدەکات‭ ‬کە‭ ‬پرسی‭ ‬کورد‭ ‬لە‭ ‬کوردستانی‭ ‬ڕۆژهەڵاتیش‭ ‬بوونی‭ ‬هەیە‭ ‬و‭ ‬دەبێت‭ ‬ڕەچاوی‭ ‬زوڵم‭ ‬و‭ ‬خواست‭ ‬و‭ ‬خاک‭ ‬و‭ ‬خەڵکی‭ ‬ئەو‭ ‬پارچەیەش‭ ‬لە‭ ‬کوردستان‭ ‬بکرێت‭. ‬نابێت‭ ‬ئەو‭ ‬پارچەیەش‭ ‬لە‭ ‬کوردستان‭ ‬بە‭ ‬پاساوی‭ ‬خەبات‭ ‬و‭ ‬چالاکی‭ ‬و‭ ‬بەرژەوەندی‭ ‬لە‭ ‬پارچەکانی‭ ‬تر‭ ‬داپۆشترێت‭ ‬و‭ ‬پشت‭ ‬گوێ‭ ‬بخرێت‭ ‬و‭ ‬کەمڕەنگتریش‭ ‬بکرێتەوە‭. ‬ئەگەر‭ ‬لە‭ ‬بواری‭ ‬دانیشتوەکانیشی‭ ‬باسی‭ ‬بکەین‭ ‬بە‭ ‬لە‭ ‬خۆ‭ ‬گرتنی‭ ‬زیاتر‭ ‬لە‭ ‬‮١٠‬‭ ‬میلیۆن‭ ‬کورد‭ ‬لە‭ ‬دوای‭ ‬کوردستانی‭ ‬باکوڕ‭  ‬خەڵکێکی‭ ‬بەرچاو‭ ‬لە‭ ‬کوردان‭ ‬لە‭ ‬خۆدەگرێت‭. ‬بەڵام‭ ‬چەند‭ ‬حیزبێک‭ ‬بە‭ ‬پروپاگەندە‭ ‬و‭ ‬چواشەکاری‭  ‬و‭ ‬بە‭ ‬لارێدا‭ ‬بردنی‭ ‬خەباتی‭ ‬ڕۆژهەڵات‭ ‬هەوڵدەدەن‭ ‬ڕاستییەکان‭ ‬نەبینن‭ ‬و‭ ‬خۆڵ‭ ‬لە‭ ‬چاوی‭ ‬خەڵک‭ ‬کەن‭ ‬و‭ ‬بڵێن‭ ‬ڕۆژهەڵات‭ ‬تەوەری‭ ‬تەنیا‭ ‬لە‭ ‬بەرژەوەندی‭ ‬ڕۆژهەڵات‭ ‬دایە‭ ‬و‭ ‬پرسی‭ ‬کورد‭ ‬تێیدا‭ ‬بوونی‭ ‬نییە‭. ‬بەڵام‭ ‬زۆر‭ ‬ڕوونە‭ ‬کە‭ ‬بەرژەوەندی‭ ‬هەر‭ ‬پارچەیەک‭ ‬لە‭ ‬کوردستان‭ ‬بەرژەوەندی‭ ‬پارچەکانی‭ ‬تر‭ ‬مسۆگەر‭ ‬دەکات‭ ‬و‭ ‬تەواوکەری‭ ‬یەکترن،‭ ‬دەتوانین‭ ‬وەک‭ ‬مرۆڤێک‭ ‬سەیری‭ ‬کەین‭ ‬کە‭ ‬کۆی‭ ‬ئەندامانی‭ ‬لەشی‭ ‬ئەو‭ ‬مرۆڤە‭ ‬تەواوکەری‭ ‬یەکترن‭ ‬و‭ ‬مرۆڤێکی‭ ‬سالم‭ ‬و‭ ‬تەندروست‭ ‬بەرهەم‭ ‬دەهێنن‭ ‬و‭ ‬لاوازی‭ ‬و‭ ‬نەبوونی‭ ‬هەر‭ ‬ئەندامێکیش‭ ‬دەبێتە‭ ‬هۆی‭ ‬کێشە‭ ‬و‭ ‬دوا‭ ‬کەوتووی‭ ‬ئەو‭ ‬مرۆڤە،‭ ‬کوا‭ ‬بوونی‭ ‬دەستێکی‭ ‬بەهێز‭ ‬واتای‭ ‬ڕەتکردنەوەی‭ ‬قاچە‭ ‬و‭ ‬ئایا‭ ‬بە‭ ‬بوونی‭ ‬قاچێکی‭ ‬بەهێز‭ ‬مرۆڤەکە‭ ‬لاواز‭ ‬دەبێت‭ ‬یان‭ ‬خود‭ ‬گەشەدەکات‭. ‬کەواتە‭ ‬پرسی‭ ‬ڕۆژهەڵات‭ ‬تەوەری‭ ‬نەک‭ ‬هەڵە‭ ‬نیە‭ ‬بەڵکوو‭ ‬پێویستە‭  ‬و‭ ‬دەبێت‭ ‬چۆن‭ ‬لە‭ ‬ڕابردوودا‭ ‬حیزبە‭ ‬ڕۆژهەڵاتییەکان‭ ‬و‭ ‬خەڵک‭ ‬و‭ ‬کۆمەڵگا‭ ‬پاڵپشت‭ ‬و‭ ‬داکۆکی‭ ‬کاری‭ ‬بەرژەوەندی‭ ‬پارچەکانی‭ ‬تر‭ ‬بوون،‭ ‬ئێستاش‭ ‬کە‭ ‬هەلەکە‭ ‬گونجاوە‭ ‬و‭ ‬پرسی‭ ‬کورد‭ ‬زیاتر‭ ‬لە‭ ‬جاران‭ ‬لە‭ ‬بەرچاوە،‭ ‬واباشترە‭ ‬نەک‭ ‬دژایەتی‭ ‬ئەو‭ ‬بابەتە‭ ‬نەکرێت‭ ‬بگرە‭ ‬هەوڵی‭ ‬بۆ‭ ‬بدرێت‭ ‬و‭ ‬پاڵپشتی‭ ‬زیاتری‭ ‬بکرێت‭ .‬

تا‭ ‬ئەو‭ ‬دوایانەی‭ ‬کە‭ ‬هاوڕێ‭ ‬عەبدوڵڵا‭ ‬موهتەدی‭ ‬زۆر‭ ‬بە‭ ‬ڕوونی‭ ‬و‭ ‬ڕاشکاوانە‭ ‬باس‭ ‬لەو‭ ‬پرسە‭ ‬گرنگە‭ ‬دەکات‭ ‬کەمتر‭ ‬هەوڵدراوە‭ ‬ڕوونبکرێتەوە‭ ‬و‭ ‬باسی‭ ‬لێبکرێت،‭ ‬بەڵام‭ ‬بەڕاستی‭ ‬بۆ‭ ‬ئێمە‭ ‬دەبێت‭ ‬لە‭ ‬ئاستی‭ ‬مافێکی‭ ‬ڕەوای‭ ‬خەلکی‭ ‬کوردستانی‭ ‬ڕۆژهەڵات‭ ‬شەرمێونی‭ ‬و‭ ‬بێدەنگی‭ ‬هەڵبژێرین‭ ‬و‭ ‬هەوڵ‭ ‬نەدەین‭ ‬ئێمەش‭ ‬خەڵکەکەمان،‭ ‬خاکەکەمان‭ ‬،‭ ‬شەهیدەکانمان‭ ‬و‭ ‬ستراتژی‭ ‬و‭ ‬بگرە‭ ‬کلتوری‭ ‬سیاسی‭ ‬و‭ ‬مەدەنی‭ ‬خۆمان‭ ‬بە‭ ‬جیهان‭ ‬بناسێنین‭. ‬بۆ‭ ‬چی‭ ‬ڕەوایە‭ ‬حیزبی‭ ‬پارچەکانیتر‭ ‬لەگەڵ‭ ‬دەسەڵاتدارانی‭ ‬ئێران‭ ‬پەیوەندی‭ ‬سیاسی‭ ‬و‭ ‬ئابوورییان‭ ‬هەبێت‭ ‬و‭ ‬هەروەها‭ ‬کۆمەڵەش‭ ‬ئەو‭ ‬مافەیان‭ ‬بۆ‭ ‬بە‭ ‬حەق‭ ‬بناسێت،‭ ‬بەڵام‭ ‬بۆ‭ ‬لە‭ ‬لایەن‭ ‬ئێوەوە‭ ‬ڕەوا‭ ‬نەبێت‭ ‬بۆ‭ ‬ئێمە‭ ‬و‭ ‬خۆشمان‭ ‬بۆ‭ ‬خۆمانی‭ ‬بەڕەوا‭ ‬نەزانین‭ ‬کە‭ ‬لە‭ ‬چوارچێوەی‭ ‬بەرژەوەندی‭ ‬کوردستانی‭ ‬ڕۆژهەڵات‭ ‬بێ‭ ‬سازش‭ ‬لەسەر‭ ‬بەرژەوەندی‭ ‬پارچەکانی‭ ‬تر‭ ‬لەگەڵ‭ ‬دەسەڵاتدارانی‭ ‬تورکیە،‭ ‬عێراق‭ ‬و‭ ‬سوریە‭ ‬پەیوەندییەکی‭ ‬گشتگیری‭ ‬سیاسیمان‭ ‬هەبێت‭.‬

ڕاستە‭ ‬کورد‭ ‬بە‭ ‬گشتی‭ ‬چوار‭ ‬دوژمنی‭ ‬سەرەکی‭ ‬لە‭ ‬چوار‭ ‬وڵاتی‭ ‬جیاوازدا‭ ‬هەیە‭ ‬و‭ ‬دەبێت‭ ‬هەوڵ‭ ‬بدرێت‭ ‬کە‭ ‬بە‭ ‬پاڵپشتی‭ ‬پارچەکانی‭ ‬تر‭ ‬سەرکەوتووی‭ ‬بۆ‭ ‬هەموو‭ ‬کورد‭ ‬بێتە‭ ‬ئاڕاوە،‭ ‬بەڵام‭ ‬ئەوەی‭ ‬ڕوونە‭ ‬ئەوەیە‭ ‬هەروەک‭ ‬کێشەی‭ ‬کوردی‭ ‬کوردستانی‭ ‬باکور‭ ‬دەسەڵاتداری‭ ‬تورکیەیە‭ ‬و‭ ‬کێشەی‭ ‬سەرەکی‭ ‬کوردستانی‭ ‬ڕۆژئاواش‭ ‬دەسەڵاتدارانی‭ ‬سوریەن،‭ ‬کێشەی‭ ‬کوردی‭ ‬ڕۆژهەڵاتیش‭ ‬لە‭ ‬ئێران‭ ‬چارەسەر‭ ‬دەکرێت‭ ‬و‭ ‬مافی‭ ‬خۆیەتی‭ ‬ئەویش‭ ‬لە‭ ‬ڕۆژهەڵات‭ ‬بۆ‭ ‬خەبات‭ ‬و‭ ‬گەیشتن‭ ‬بە‭ ‬ئامانجەکانی‭ ‬خۆی‭ ‬ڕێکارە‭ ‬سیاسی‭ ‬و‭ ‬نێودەوڵەتییەکان‭ ‬بگرێتە‭ ‬بەر‭ ‬و‭ ‬نابێت‭ ‬و‭ ‬ناتوانێت‭ ‬چاوەڕوانی‭ ‬پێدانی‭ ‬دەرفەت‭ ‬لە‭ ‬لایەن‭ ‬پارچەکانی‭ ‬ترەوە‭ ‬بێت‭ ‬بۆ‭ ‬خەباتی‭ ‬خۆی،‭ ‬هەرچەند‭ ‬وەک‭ ‬تا‭ ‬ئێستاشی‭ ‬لەگەڵ‭ ‬بێت‭ ‬و‭ ‬لە‭ ‬داهاتووشدا‭ ‬دەیکات‭ ‬بەردەوام‭ ‬پاڵپشتی‭ ‬کوردی‭ ‬هەر‭ ‬سێ‭ ‬پارچەکەی‭ ‬تریشی‭ ‬بووە‭. ‬ئەگەر‭ ‬كوردستانی‭ ‬ڕۆژهەڵات‭ ‬ژێر‭ ‬چەپۆکە‭ ‬و‭ ‬ژێردەست‭ ‬بێت‭ ‬دەتوانێت‭ ‬بەرژەوەندی‭ ‬پارچەکانی‭ ‬تر‭ ‬بپارێزێت‭ ‬یان‭ ‬کوردستانێکی‭ ‬ڕۆژهەڵاتی‭ ‬بەهێز‭ ‬و‭ ‬سەربەخۆ،‭ ‬بەدڵنیایەوە‭ ‬،‭ ‬کوردستانێکی‭ ‬ڕۆژهەڵاتی‭ ‬بەهێز‭ ‬نەک‭ ‬هیچ‭ ‬مەترسیەکی‭ ‬بۆ‭ ‬بەرژەوەندی‭ ‬پارچەکانی‭ ‬تر‭ ‬نییە‭ ‬بەڵکوو‭ ‬کورد‭ ‬بەهێزتردەکات‭ ‬و‭ ‬دەبێتە‭ ‬پێگەیەکی‭ ‬سیاسی‭ ‬بۆ‭ ‬کورد‭.‬

ئەگەر‭ ‬چاو‭ ‬لەو‭ ‬خۆپیشاندانەکانی‭ ‬چەند‭ ‬ڕۆژی‭ ‬ڕابردوو‭ ‬لە‭ ‬کوردستانی‭ ‬ڕۆژهەڵات‭ ‬بکەین‭ ‬زۆر‭ ‬بەجوانی‭ ‬پێویستی‭  ‬ڕۆژهەڵات‭ ‬تەوەری‭ ‬خۆی‭ ‬دەنوێنێت،‭ ‬لە‭ ‬ڕۆژانی‭ ‬ڕابردوودا‭ ‬کۆمەڵێک‭ ‬خۆپیشاندان‭ ‬لە‭ ‬ئێران‭ ‬دەستی‭ ‬پێکرد‭ ‬کە‭ ‬زۆر‭ ‬بەزوویی‭ ‬و‭ ‬خێرا‭ ‬کوردستانیشی‭ ‬گرتەوە،‭ ‬لەم‭ ‬خۆپیشاندانانەدا‭ ‬دەیان‭ ‬کەس‭ ‬لە‭ ‬شارەجیاجیاکانی‭ ‬کوردستان‭ ‬شەهید‭ ‬کران‭ ‬و‭ ‬بە‭ ‬سەدان‭ ‬نەفەریش‭ ‬برینداربوون‭  ‬و‭ ‬یان‭ ‬دەستبەسەر‭ ‬کران،‭ ‬ئەم‭ ‬خۆپیشاندانانە‭ ‬لە‭ ‬چەند‭ ‬ساڵی‭ ‬ڕابردوودا‭ ‬لە‭ ‬بواری‭ ‬گشتگیری‭ ‬و‭ ‬هاوئاهەنگی‭ ‬بێ‭ ‬وێنە‭ ‬بوو‭ ‬و‭ ‬هەروەها‭ ‬دۆخی‭ ‬جیهانی‭ ‬پرسی‭ ‬کوردیش‭ ‬لە‭ ‬ئاستێکی‭ ‬زۆر‭ ‬باشدا‭ ‬بوو،‭ ‬بەڵام‭ ‬بەداخەوە‭ ‬پاڵپشتی‭ ‬و‭ ‬داکۆکی‭ ‬لە‭ ‬خۆپیشاندەران‭ ‬لە‭ ‬لایەن‭ ‬پارچەکانی‭ ‬تری‭ ‬کوردستانەوە‭ ‬نەکرا‭ ‬و‭ ‬ڕۆژهەڵات‭ ‬وەک‭ ‬هەموو‭ ‬کات‭ ‬تەنیا‭ ‬ماوە،‭ ‬بەڵام‭ ‬ئەگەر‭ ‬چاو‭ ‬لە‭ ‬ڕووداوەکانی‭ ‬مانگی‭ ‬پێشوو‭ ‬لە‭ ‬کوردستانی‭ ‬ڕۆژئاوا‭ ‬بکەین‭ ‬کە‭ ‬بە‭ ‬هۆی‭ ‬سیاسەتی‭ ‬نادروستی‭ ‬حیزبێکەوە‭ ‬کە‭ ‬دەست‭ ‬تێوەردانی‭ ‬لە‭ ‬ڕۆژائاوادا‭ ‬کرد‭ ‬و‭ ‬ئەرتەشی‭ ‬تورکیە‭ ‬هێرشی‭ ‬کردە‭ ‬سەر‭ ‬کوردەکانی‭ ‬ڕۆژئاوا،‭ ‬سەرجەم‭ ‬میدیا‭ ‬و‭ ‬هەواڵەکان‭ ‬ئەو‭ ‬پیشەلکارییەی‭ ‬تورکیەییان‭ ‬کردە‭ ‬ئامانج‭ ‬و‭ ‬لە‭ ‬ناو‭ ‬جیهاندا‭ ‬دەنگی‭ ‬داوە،‭ ‬لەم‭ ‬پشتگیریانەدا‭ ‬خەڵک‭ ‬کوردستانی‭ ‬ڕۆژهەڵاتیش‭ ‬زۆر‭ ‬بە‭ ‬گڕ‭ ‬و‭ ‬تینێکی‭ ‬زیاتر‭ ‬لە‭ ‬پارچەکانی‭ ‬تر‭ ‬ڕژانە‭ ‬سەر‭ ‬شەقامەکان‭ ‬و‭ ‬هاوخەمی‭ ‬و‭ ‬پاڵپشتی‭ ‬خۆیان‭ ‬بۆ‭ ‬کوردەکانی‭ ‬ڕۆژائاوا‭ ‬دووپات‭ ‬کردەوە‭. ‬یان‭ ‬ئەو‭ ‬حماسەیەی‭ ‬کوردەکانی‭ ‬ڕۆژهەڵات‭ ‬لە‭ ‬گەمارۆی‭ ‬کۆبانیدا‭ ‬لە‭ ‬شەقامەکان‭ ‬گێڕایان‭ ‬و‭ ‬یارمەتیان‭ ‬بۆ‭ ‬کۆ‭ ‬دەکردنەوە‭ ‬لەبیر‭ ‬نەکراوە‭. ‬گەر‭ ‬کاتی‭ ‬ڕفڕاندومی‭ ‬کوردستانی‭ ‬باشووریش‭ ‬بخەینەوە‭ ‬بەر‭ ‬چاو‭ ‬دەبینن‭ ‬کە‭ ‬چۆن‭ ‬حیزب‭ ‬و‭ ‬جەماوەری‭ ‬ڕۆژهەڵاتی‭ ‬پاڵپشتی‭ ‬خۆیان‭ ‬دەربڕی‭ ‬و‭ ‬لە‭ ‬نێوان‭ ‬هەڕەشەی‭ ‬کۆماری‭ ‬ئێسلامی‭ ‬ئێراندا‭ ‬کارنەواڵی‭ ‬شادی‭ ‬و‭ ‬خۆشیان‭ ‬دەگێڕا‭ ‬و‭ ‬لە‭ ‬خەڵکی‭ ‬باشوور‭ ‬پێیان‭ ‬خۆشتر‭ ‬بوو‭. ‬بۆ‭ ‬پاڵپشتی‭ ‬لە‭ ‬پارچەکانی‭ ‬تر‭ ‬بۆ‭ ‬ئێمە‭ ‬ئەرکە‭ ‬و‭ ‬بۆ‭ ‬ئەوان‭ ‬بڤەیە‭ ‬و‭ ‬بگرە‭ ‬نەشیاوە‭. ‬بە‭ ‬زەق‭ ‬کردنەوەی‭ ‬ڕۆژهەڵات‭ ‬تەوەری‭ ‬و‭ ‬هێنانە‭ ‬بەرچاوی‭ ‬خەباتی‭ ‬نەپچڕاوەی‭ ‬کۆمەڵە‭ ‬و‭ ‬سەرجەم‭ ‬حیزبەکانی‭ ‬ڕۆژهەڵات‭ ‬ئێمەش‭ ‬دەتوانین‭ ‬ناوی‭ ‬هەزاران‭ ‬شەهیدی‭ ‬بێنازی‭ ‬ڕۆژهەڵات‭ ‬و‭ ‬سەدان‭ ‬دایکی‭ ‬جەرگ‭ ‬سووتاوی‭ ‬ئەو‭ ‬وڵاتە‭ ‬و‭ ‬زامی‭ ‬دڵی‭ ‬هەزاران‭ ‬لاو‭ ‬و‭ ‬گەنجی‭ ‬ڕۆژهەلاتم‭ ‬تا‭ ‬ڕادەیەک‭ ‬سارێژ‭ ‬بکەینەوە‭ ‬و‭ ‬دەنگی‭ ‬کاک‭ ‬فوئاد‭ ‬لە‭ ‬کانی‭ ‬میرانەوە‭ ‬بگاتە‭ ‬جیهان‭ ‬و‭ ‬بە‭ ‬کوردی‭ ‬پارچەکانی‭ ‬تر‭ ‬بڵێم‭ ‬من‭ ‬یەکەم‭ ‬شەهید‭ ‬و‭ ‬سەرکردەم،‭ ‬خانەی‭ ‬موعینی‭ ‬لە‭ ‬پارچەکانی‭ ‬تردا‭ ‬بۆ‭ ‬پاڵپشتی‭ ‬کورد‭ ‬دا،‭ ‬کەواتە‭ ‬منیش‭ ‬زام‭ ‬و‭ ‬خەم‭ ‬و‭ ‬خاک‭ ‬و‭ ‬شەهید‭ ‬و‭ ‬شۆڕش‭ ‬و‭ ‬ستراتژی‭ ‬و‭ ‬کولتوری‭ ‬سیاسی‭ ‬خۆم‭ ‬هەیە‭ ‬و‭ ‬کێشەی‭ ‬سەرەکی‭ ‬من‭ ‬ڕژیمی‭ ‬کۆماری‭ ‬ئیسلامییە‭ ‬لە‭ ‬تاران‭ ‬و‭ ‬نامهەوێت‭ ‬تۆ‭ ‬لە‭ ‬جیاتی‭ ‬من‭ ‬خەباتم‭ ‬بۆ‭ ‬بکەی‭ ‬پاڵپشتی‭ ‬مەعنەوی‭ ‬و‭ ‬هەستەکانتان‭ ‬بۆ‭ ‬من‭ ‬بەسە‭ ‬من‭ ‬خۆم‭ ‬وەک‭ ‬هەمیشە‭ ‬خەباتی‭ ‬خۆم‭ ‬دەکەم‭ ‬و‭ ‬سەرکەوتوویی‭ ‬و‭ ‬ئازادی‭ ‬خاکی‭ ‬کوەردستانی‭ ‬ڕۆژهەڵات‭ ‬لە‭ ‬نۆرە‭ ‬و‭ ‬سەرەی‭ ‬ڕزگاری‭ ‬هیچ‭ ‬پارچەیەکی‭ ‬تردا‭ ‬نامێنێتەوە‭ ‬و‭ ‬ئێمەش‭ ‬شان‭ ‬بە‭ ‬شانی‭ ‬هەموو‭ ‬کوردان‭ ‬بۆ‭ ‬کوردستان‭ ‬لە‭ ‬ڕۆژهەڵاتەوە‭ ‬خەباتمان‭ ‬بەردەوام‭ ‬و‭ ‬نەپچڕاوەیە‭.‬

بەداخەوە‭ ‬حیزبەکانی‭ ‬پارچەکانی‭ ‬تر‭ ‬نەئەوەیکە‭ ‬پاڵپشتی‭ ‬بەرژەوەندیەکانی‭ ‬کوردستانی‭ ‬ڕۆژهەڵات‭ ‬ناکەن‭ ‬بەڵکوو‭ ‬خەڵک‭ ‬چەواشە‭ ‬دەکەن‭ ‬و‭ ‬لە‭ ‬میدیا‭ ‬و‭ ‬ڕاگەیاندنەکاندا‭ ‬وا‭ ‬دەنوێنن‭ ‬کە‭ ‬حیزبەکانی‭ ‬ڕۆژهەڵات‭ ‬تەنیا‭ ‬لێرە‭ ‬خەریکی‭ ‬ژیان‭ ‬و‭ ‬بەڕێکردنی‭ ‬کاتن‭ ‬و‭ ‬هیچ‭ ‬چالاکییەکی‭ ‬تریان‭ ‬نییە‭ ‬و‭ ‬لاوان‭ ‬و‭ ‬گەنجانیان‭ ‬لێیان‭ ‬نا‭ ‬ئۆمێد‭ ‬بوون‭  ‬و‭ ‬لێیان‭ ‬کشاونەتەوە،‭ ‬بەڵام‭ ‬نابینن‭ ‬کە‭ ‬بەردەوام‭ ‬لاوانی‭ ‬ڕۆژهەڵات‭ ‬پەیوەست‭ ‬دەبن‭ ‬بە‭ ‬ڕێزەکانی‭ ‬پێشمەرگە‭ ‬و‭ ‬نایان‭ ‬هەوێت‭ ‬بزانن‭ ‬کە‭ ‬ئەگەر‭ ‬ئازادییەکی‭ ‬کەمیش‭ ‬لە‭ ‬کوردستانی‭ ‬ڕۆژهەڵات‭ ‬هەبێت‭ ‬ئەوە‭ ‬بەرهەمی‭ ‬ئەو‭ ‬بنکە‭ ‬سیاسی‭ ‬و‭ ‬نزامییەیە‭ ‬کە‭ ‬کۆمەڵە‭ ‬و‭ ‬حیزبە‭ ‬ڕۆژهەڵاتییەکان‭ ‬لەدەرەوەی‭ ‬سنوورەکانیان‭ ‬بە‭ ‬درێژایی‭ ‬تەمەنیان‭ ‬دەیپارێزن‭. ‬ئەوە‭ ‬تەنیا‭ ‬خۆڵ‭ ‬لە‭ ‬چاوی‭ ‬خەڵک‭ ‬کردنە،‭ ‬ئەوان‭ ‬خۆیان‭ ‬چاکتر‭ ‬دەزانن‭ ‬کە‭ ‬تەنیا‭ ‬هێز‭ ‬و‭ ‬مێژووی‭ ‬خەبات‭ ‬و‭ ‬ستراتژی‭ ‬و‭ ‬هتد‭.. ‬ناتوانێت‭ ‬گۆڕانکاری‭ ‬لە‭ ‬وڵاتێکی‭ ‬بەربڵاو‭ ‬و‭  ‬بەهێزدا‭ ‬پێک‭ ‬بێنێت‭ ‬و‭ ‬دەبێت‭ ‬چاوەڕوانی‭ ‬دەرفەت‭ ‬و‭ ‬هەلی‭ ‬گونجاو‭ ‬بی‭ ‬تا‭ ‬بتوانی‭ ‬ئەو‭ ‬تایبەتمەندیانە‭ ‬بخەیە‭ ‬ڕوو‭ ‬و‭ ‬کەڵکیان‭ ‬لێ‭ ‬وەر‭ ‬بگری‭ ‬و‭ ‬هەر‭ ‬بۆیە‭ ‬بوونی‭ ‬ئێمە‭ ‬لە‭ ‬کوردستانی‭ ‬باشوور‭ ‬خۆ‭ ‬تەیار‭ ‬کردن‭ ‬و‭ ‬ئامادەکردنە‭ ‬بۆ‭ ‬ئەگەری‭ ‬خوڵقانی‭ ‬هەر‭ ‬هەلێک‭ ‬و‭ ‬ئەوکات‭ ‬دەردەکەوێت‭ ‬چێکراوە‭ ‬و‭ ‬دەکرێت‭. ‬ئەوەش‭ ‬ڕوونە‭ ‬هیچ‭ ‬حیزبێکی‭ ‬سیاسی‭ ‬لە‭ ‬جیهاندا‭ ‬نییە‭ ‬کەم‭ ‬و‭ ‬کورتی‭ ‬و‭ ‬نەبێت‭ ‬و‭ ‬ڕەخنە‭ ‬هەڵنەگرێت،‭ ‬بەڵام‭ ‬بە‭ ‬تەواوی‭ ‬ئەم‭ ‬لەمپەڕ‭ ‬و‭ ‬کۆسپ‭ ‬و‭ ‬تەگەرانەی‭ ‬لە‭ ‬سەر‭ ‬ڕێگای‭ ‬کۆمەڵەدا‭ ‬بووە‭ ‬ئێستاش‭ ‬لە‭ ‬گۆڕەپانی‭ ‬سیاسی‭ ‬ناخۆ‭ ‬و‭ ‬جیهاندا‭ ‬قسەی‭ ‬بۆ‭ ‬کردن‭ ‬هەیە‭  ‬و‭ ‬لە‭ ‬هاوکێشەکاندا‭ ‬قورسایی‭ ‬خۆی‭ ‬هەیە‭ ‬بە‭ ‬دڵنیایەوە‭ ‬کات‭ ‬زۆر‭ ‬شت‭ ‬دەسەلمێنێت‭ ‬و‭ ‬دیاری‭ ‬دەخات‭ ‬وەک‭ ‬ئێستاش‭ ‬زۆر‭ ‬شت‭ ‬ڕوونە‭.‬