سەردەشت/ سوپای پاسداران کۆڵبەرێکی دیکەی کوردی کوشت!

سەردەشت/ سوپای پاسداران کۆڵبەرێکی دیکەی کوردی کوشت!
ئاسۆی ڕۆژهەڵات:  کۆڵبەرێکی کوردی خەڵکی گوندی "گولان"ی شاری سەردەشت بە ناوی "کامران گولانی" بە تەقەی هێزەکانی ڕژیم گیانی لەدەست دا.
"کامران گولانی" تەنیا منداڵی بنەماڵەکەیەتی و خاوەنی ژن و منداڵێک بووە و بە هۆی بێکاری و هەژراییەوە  ڕووی لە کۆڵبەری کردبوو.

سەرچاوەی هەواڵەکە ئاشکرای کرد کە هێزەکانی سوپای پاسداران ڕۆژی دووشەممە ٥ی جۆزەردانی ٩٩ی هەتاویی، تەقەیان لەو کۆڵبەرە کوردە کردوەو گیانی لەدەست داوە.

دیاردەی کۆڵبەری بەرهەمی سیاسەتی هەڵەی کۆماری ئیسلامییە کە بارودۆخێکی نالەباری ئابووری بۆ خەڵکی کورد هێناوەتە ئاراوە کە ناچار بن بۆ پەیدا کردنی بژێوی ژیانیان پەنا بۆ دیاردەی مەترسیداری کۆڵبەری بەرن و بە شێوەی جۆراوجۆر ببن بە قوربانی.

کوشتنی "کامران گولانی" و باقی کۆڵبەرانی دیکەی کورد جینایەتێکی ئاشکرای سوپای پاسدارانە کە بە بیانووی هاوردە کردنی باری قاچاخ و زیان لە ئابووری وڵات ئیجازە بە خۆیان دەدەن تەقە لە کۆڵبەران بکەن.

ئه‌م بابه‌ته 193 جار خوێنراوه‌ته‌وه‌‌


AM:10:13:26/05/2020